6 ka bulan nga lapsag nga bata sang manug-utan nahulog sa balde nga may tubig, nalumos patay

1569

BACOLOD CITY – Tuman ka subo ang natabo sa isa ka 6 ka bulan nga bata nga babayi nga aksidente nga nahulog sa isa ka balde nga may tubig, nalumos kag napatay kaina sang kaagahon sa gwa sang Libertad Public Market, Bacolod City.

Ginpahayag nga ang biktima, anak sang mag-asawa nga nagabaligya sang utan sa gwa sang merkado, sa area sang Lizares Extension, Libertad, ciudad sang Bacolod.


Suno sa iloy sang biktima nga may mga las 2 kaina sang kaagahon, ila na lamang nasapwan ang ila 6 ka bulan nga bata nga babayi nga yara na sa sulod sang balde nga may tubig.

Pahayag sang iloy nga apat sila nga nagatulog sa papag sang ila baligyaan, upod ang iya bana kag ang isa pa gid nila ka bata nga lalaki nga naga-edad duha ka tuig kon diin wala sila nakabatyag nga posible nag-kamang na ang biktima kag nahulog sa balde.

Nahibaluan nga ang amo nga balde ang may unod nga tubig kag may-impon nga tawas kon diin diri nila ginahuluman ang langka nga nga ila ginabaligya.

Sa imbestigasyon sa dyHb, sa amu nga papag hulid sang bata ang iya magulang nga lalaki nga duha ka tuig samtang ara man sa kilid ang iya mga ginikanan.

Gindala pa regional hospital ang biktima, apang gindeclare dead on arrival.


Facebook Comments