Davao City – Mag-atubang og kasong qualified theft ang unom ka construction worker human nangawat og dol-an 30 kilos steel bar sulod mismo sa ilang gitrabahoan sa usa ka establisemento sa may Magallanes St. siyudad sa Davao.
Sa report gikan sa San Pedro, mireklamo ang human resource admin officer sa maong kompanya batok sa mga suspek naila sa pangalang Regem Salem, Keneil Lactaoen, James Bandahala, Haron Kubong, Rendon Jadausan ug Jerald Javellana pareho hingkod ang edad ug residente sa nahisgutang lugar.
Matud pa sa gwardya nailang Almar Delafeña, siya maoy nakakita sa gihimo sa mga suspek hinungdan nga iya dayon gisumbong ngadto sa complainant.
Human sa hitabo ang ang unom ka mga suspek nagdungan og resign sa ilang trabaho diin sa pagkakaron gawasnon pa kini samtang ang kaso giduso na sa Gerenal Investigation Section.
RadyoMan Don Pulayao
