Sumala sa Datu Bago Awardees Organization, Inc., ang mga giila nga awardees karong tuiga mao sila: Eduardo A. Bangayan alang sa kategoryang Public Service, Gene Cheon Bangayan sa Tourism, Maria Cristina Floirendo Brias sa Community Livelihood, Alex Valdez Buenaventura sa Rural Banking, Manuel Mendoza Orig sa Civic Service, ug Welehito Noyna Pepito sa Visual Arts.
Samtang nagahatag og pamulong, gipasalamatan sa Bise Presidente ang mga awardees sa ilang nahimong kalamboan sa syudad, diin dili lang kini alang sa ilang kaugmaon apan lakip na sa mga Davaoeño nga nagtuo sa maayong kaugmaon.
Basi sa pakighinabi sa DXDC RMN Davao, ang Datu Bago Awardee 2026 nga si Welehito Noyna Pepito nag-ingon nga wala niya gilauman ang maong pasidungog. Busa, dako iyang kalipay nga nadawat kini, ilabi na kay naila ang iyang pagpaningkamot sa pagpalambo sa Visual Arts.
RadyoMaN Bien Abanos
