Unom ka lungsod sa Zamboanga del Norte ang nahilakip karon sa Top 10 isip Best Performing LGUs in the Implementation of the Locally Funded Projects sa bulan sa Oktobre niining tuiga sa tibuok rehiyon 9.
Kini gipatuman pinaagi sa Department of the Interior and Local Government (DILG) Zamboanga Peninsula Region.
Ang anaa sa Top 3 mao ang lungsod sa Polanco, Top 4-lunsgod sa Pinan, Top 7-lungsod sa Salug, Top 8-lungsod sa Liloy, Top 9-lungsod sa La Libertad ug Top 10 ang lungsod sa Kalawit.
Samtang ang Top 1 nakuha sa lungsod sa Mabuhay, Top 2-lungsod sa Ipil, laing Top 3-lungsod sa Imelda, nga pulos sakop sa Zamboanga Sibugay, Top 5-lungsod sa Bayog, Top 6-lungsod sa Dimataling nga pulos sakop usab sa probinsya sa Zamboanga Sibugay.
Lakip sa mga proyekto ug programa nga gipatuman sa DILG mao ang Sagana at Ligtas na Tubig sa Lahat o SALINTUBIG Program, Bottom-Up-Budgeting, Assistance to Disadvantaged Municipalities (ADM), Assistance to Municipalities (AM), Payapa at MAsaganang Pamayanan (PAMANA), Konkreto at Ayos na LanSAngan ang Daan tungo sa Pangkalahatang Kaunlaran (KALSADA) ug Conditional Matching Grant to Provinces (CMGP). (PIC-mbmontederamos)
