Nakahatag na sang ayuda ang lokal nga panggobyerno sang Surallah sa anum ka mga pamilya sang Barangay Talahik nga nasunugan sang puluy-an sang imbukada sang selebrasyon sang fire prevention month.
Suno kay Surallah MDRRM Action Officer Leonardo Ballon magluwas sa relief goods may ihatag man nga P5, 000.00 nga shelter assistance sa kada pamilya.
Sa imbestigasyon suno kay Ballon isa ka compound ang mga nasunog nga balay tungod halos mga kabataan man ni Leonardo Arandilla, 86-anyos ang yara sa palibot kag tigayon gid nga naubos sang kalayo ang ila nga puluy-an tungod sa madasig nga paglapta sang kalayo matapos nga himo sa light materials ang balay.
Samtang isa naman ang pilason sa nasambit nga insidente nga ginkilala kay Jimmy Arandilla, 48-anyos matapos nga ginbalikan sini ang amay agud nga luwason nga yara pa sa sulod sang balay.
