Mukabat sa 6 ka mga regular nga miyembro sa New Peoples Amy kon NPA ug 106 ka mga Milisyang Bayan ang nitahan balik sa gobyerno samtang 52 ka supporters gikan sa tribung Tigwahanon ang nagwithdraw sa ilang suporta sa CPP-NPA sa lungsod sa San Fernando, Bukidnon, kagahapong adlawa.
Sa interview sa RMN Malaybalay ngadto kang Cpt. Ryan Layug, ang civil military operations officer ug spokesperson sa 403rd Infantry Brigade gibutyag niini nga ang maong mga surrenderees pormal nga gipresenta ngadto kang San Fernando Mayor Levi Edma Sr. ug 403rd Commander Brigadier General Edgardo De Leon sa usa ka seremonya nga gipahigayon sa 88th Infantry Battalion (IB) headquarters sa Maramag, Bukidnon.
Apil sa gitahan sa mga miyembro sa NPA ang lima ka mga Garand rifles, 13 ka homemade shotgun, ug .38-caliber pistol.
Ang pagtahan sa mga miyembro ug supporters sa NPA subay sa gipahugtan nga Community Support Program kon CSP ug sa programang Enhanced Comprehensive Local and Integration Program kon E-CLIP.
