Report ni: Jennifer Palomo Debaja
May hurubaton “Ang edukasyon liyabe para sa maayo nga palaabuton.”
Sang damlag lang, isa ka sais anyos nga bata sa UAE nga gina alegar gin abandonar sang iloy nga isa ka Filipina. Tuyo gid nga makaeskwela apang tungod wala ini sang ipakita nga dokumento sang iya identity, ginbalibadan nga batunon sang eskwelahan.
Base sa report nga nakalab-ot sa embahada, isa palang katuig si Fahtima sang ginbilin ini sang iya Filipina nga iloy sa mag asawa nga Pakistani sa Dubai. Apang ginpanghatag man ini sang mag asawa matapos nagkaproblema sa ila pangabuhi.
Gin sapupo ang bata ni Syed Ali Moazzam isa ka Pakistani nga naga pang bulig sa mga kabataan o orphans.
Suno Kay Syed, nagapati ini nga yara pa sa UAE ang biological mother ni Fahtima gani nag tipon ini sang mga impormasyon. May gintumod ang pila ka nakakilala sa iloy sang bata apang ang masubo, ginpanginwala sang babaye nga may anak ini.
Desperado si Syed sa indi positibo nga resulta sang una nga tikang kag ari ang iya pahayag :
“If no one else wants this child I am ready to adopt her and will send her to school and do all that, that’s why I am trying to get documents and that’s why I contacted the newspaper,” A stranger, willing to give unconditional parental love towards this angel named Fahtima.
Tungod willing gid magbulig si Syed para sa edukasyon ni Fahtima, nag coordinate ini sa Ajman police nga nag refer sa iya sa Philippine Embassy agud maka kuha pa sang dugang nga detalye kag maimbistigaran ang nationality sang bata..
Sa pahayag ni UAE Philippine Consul General Paul Raymond Cortes, maga require sila sang blood sample sang nanay o tatay sang bata para mapamatud-an nga isa ini ka Filipino. Apang sa subong wala pa sila sang nakita nga willing mag aku bilang ginikanan sang nasambit nga bata.
Nagpromisa naman ang UAE police nga wala sang kaso nga atubangon ang iloy sa tion nga magpaidalom ini sa DNA testing.
Samtang, wala nagadula sang paglaum si Syed nga mapaeskwela si Fahtima. Problema lang subong kay wala sila sang record sang iya birthday, Emirates ID, apelyido kag Visa.
