General Santos City–Giawhag sa buhatan sa Department Of Labor and Employment (DOLE)-Gensan sa pagpanguna ni Fatima Bataga ang labaw sa maong buhatan ang tanan nga nagapangita pa og trabaho nga motambong sa ilang ipahigayon nga Jobs Fair karong Mayo 1 alayon kini sa pagsaulog sa labor day sa KCC Convention Center.
Sumala pa ni Bataga nga ang maong kalihukan inabagan kini sa nagkadaiyang ahensiya sa gobyerno kung asa gilauman nga moabot sa 6,000 mil ka mga bakanteng trabaho ang pwedeng maaplayan sa mga aplikante sa overseas ug lokal.
Saysay man usab sa opisyal nga dili lang trabaho ang pwede mahatag sa maong kalihukan kundili duna poy ipanghatag nga libreng serbisyo gikan sa TESDA ang libreng gupit, masssage ug uban pa.
Samtang nagpasalamat usab si Bataga sa mga nagrally kagahapon sa buntag sa buhatan sa DOLE gumikan kay walay mga problema ang natigayon og maayo matud pa pagka organisa sa maong kalihukan.
Gipaniguro usab sa opisyal nga naningkamot pod sila aron mahatagan og pagtagad ang mga mulo nga gipasibaw sa mga grupo sa mamumuo kalabutan sa pagpanarbaho, sa sweldo ug uban pa.
