Nasa anim hanggang 10 pamilyang Pilipino ang nakararanas ng kakaunti o walang makakain sa harap ng COVID-19 pandemic.
Ito ang lumabas sa survey na isinagawa ng Department of Science and Technology – Food and Nutrition Research Institute (DOST-FNRI).
Batay sa rapid nutrition assessment survey na isinagawa mula November 3 hanggang December 3, 2020, lumalabas na 62.1% ng pamilyang Pilipino ang nakararanas ng moderate hanggang severe food insecurity.
Nasa 71.8% respondents ang napipilitang umutang para makabili ng pagkain, habang 66.3% ang humihingi ng pagkain mula sa mga kaanak, kapitbahay at kaibigan.
Nasa 30.2% ang nasasagawa ng food trading at bartering.
Higit 21.1% ng adults ang nagbawas ng kanilang kinakain para mayroong makakain para sa kanilang mga anak.
Lumalabas sa survey na ang mga dahilan ng food insecurity ay kapos sa salapi (22.1%), limitadong public transportation (21.6%), kawalan ng hanapbuhay o mapagkakakitaan (19.5%), kawalan ng access sa pagkain (10.8%), at mga matatanda na walang kasama para bumili ng pagkain para sa kanila (5.1%).
Nabatid na nagsulputan sa iba’t ibang bahagi ng bansa ang mga community pantries para matulungan ang mga taong naghihikahos ngayong pandemya.
