Sais maga soldao el ya muri mientras cuatro el irido durante el mas reciente fuerte encuentro entre maga bandido grupo del Abu Sayyaf Group na barrio Upper Cabengbeng, Sumisip, Basilan ayer tarde.
Na report del military ta aparese el maga tropa del 18th Infantry Battalion ya conduci el que se llama strike operation ta man target con el grupo bajo na liderato di Siar Alhamsirol y Parong Tedi banda alas 12;40 del medio dia que alcansa for cuantos hora.
Pero ya pasa tormento el maga soldao despues tiene otro armao grupo que t acre maga miembros del lawless group ya man reinforce con el maga ASG.
Pasada alas 2 del tarde ya conduci air strike support el maga helicopter del Philippine Air Force mientras maga tropa desde na 64th y 69th IB ya llega tambien para omenta fuerza con el 18th IB. Sais ya muri na lao del soldao y cuatro otro el irido mientras monton tambien ya desgracia na lao del maga enemigos
