Nakatakdang ipresenta sa military sa publiko ang mukabat sa 61 ka mga rebeldeng New People’s Army kon NPA nga mitahan ngadto sa sabakan sa gobyerno karong tuiga lamang.
Kini ang gibutyag ni Army Captain Rudini Bugador ang tigpamaba sa 73rd Infantry Battalion Philippine Army.
Giasoy pa ni Bugador nga gikan sa bulan sa enero hangtod Oktubre 2017 anaa na sa 53 ka mga NPA ang misurender ngadto kanila og nahatagan nag hinabang pinaagi sa comprehensive Local Integration Program kon (CLIP) sa gobyerno.
Dugang pa nga karong bulana lamang sa Disyembre human sa panag engkwentro sa may Barangay PAG-ASA Alabel Sarangani Province walo ka mga rebeldeng NPA ang mitahan usab kanila.
Sagad matud pa sa girason nganung misurender sila sa gobyerbno tungod sa mga saad sa ilahang mga tag-as gna lider sa NPA nga hangtod karon wala lamang gihapon matuman, lakip ang kakapoy og kagutom nga ilahang gibati samtang nagtagu tagu sa kabukiran.
Kahibaluan nga sakop sa 73rd IB ang upat ka mga lugar sa Sarangani Province nga kanhiay balwarte sa mga rebeldeng NPA sama na lamang sa Alabel, Malungon, Malapatan og Glan.
Sa pagkakaron human mapermahan ni PaNGULONG Duterte ang deklarasyon kanila nga mga Terorista posibling mas pahugtan na sa military ang opensiba batok kanila.(Emir Bariquit)
