60 nga pwersa han SAF, umabot na ha Samar para pugngan an krimen ngan kasamok

TACLOBAN CITY – Gindeploy na han pamunuan han Police Regional Office 8 an 601st Special Action Company han Special Action Force (SAF) ha probinsya han Samar kumo pagsunod han Memorandum Order No. 32 ni Presidente Rodrigo Duterte nga kadugangan nga pwersa han gobyerno ha Samar.

Sumala kan PCSupt. Dionardo Carlos, Regional Director han PRO8, 50 ngadto 60 nga mga myembro han SAF an ginpadara na ha Samar, ngan ha pagka-yana in aadto ha Samar PPO ha Catbalogan City.

Padayon pa nga ginhuhulat han PRO8 an magigin guidelines ha MO. 32 ngan kun hain an maupay nga lugar nga pagbubutangan han kadugangan nga pwersa.


Dugang pa han opisyal, ginpapag andam na gihapon an mga Provincial Mobile Force Companies ha tulo nga probinsya han Samar ngan an Regional Mobile Force Battalion.

Pagsayud naman han opisyal, makakabulig an MO. 32 ha paghatag hin katalwasan ngan mapugngan an mga krimen ha Samar ilabi na nga mayda historical backgroud an mga ini hin kasamok. Makakabulig daw gihapon ini ha pag mentinar han peace and order ha tikaarabot nga eleksyon.

Facebook Comments