Migawas sa usa ka pagtoon mga kasama – nga walay gana sa mga date ang 60 porsyento nga mga kababayen-an sa nasud Japan kon daghan matud pa kanila ang matulog atol sa ilahang date.
Sa gihimong survey sa Yomeishu, unom sa kada napulo ka mga babaye sa Japan ang dili interesado sa ‘renai” kon ang pagpakigrelasyon sa mga kalalakihan.
Kini ang resulta usab sa sobrang trabaho sa tibook adlaw hinungdan nga wala na sila’y panahon kon gana alang sa ilahang love life.
Migawas usab sa survey nga usa (1) sa kada 4 nga mga babaye sa maong nasud ang miangkon nga nakasinati og tumang kakapoy sa trabaho, hinungdan nga makatulog intawon samtang nag-date.
Usa sa mga hinungdan, dili matud pa buot nga sayangon sa mga babayeng Japanese ang ilahang oras sa date nga walay padulngan. Mas buot matud pa nilang makasal gilayon hinungdan nga patok karon sa nasud Japan ang ‘konkatsu” kon matchmaking.
Sukwahe usab kini sa mga kalalakinhan, tungod 80 porsyento kanila ang buot lang nga maka-iskor sa mga babaye og dili uyon sa kasal.
