Gipahayag karon sa Provincial Detention and Rehabilitation Center kon PDRC Bukidnon nga 60% sa mga bilanggo sa PDRC adunay kalambigitan sa illegal nga droga.
Sa interview sa RMN Malaybalay ngadto kang Assistant Provincial Jail Warden Nelson Balaba, gibutyag niini nga kasagaran sa ihap sa mga inmates tungod sa kasupakan sa R.A 9165.
Apan matud ni Balaba nga ang mga kaso usab sama sa pagpanulis, kawat, rape ug VAWC aduna gihapon kini kalambigitan sa illegal nga droga tungod kay ang contributing factor niini ang droga.
Sigun niini nga halos doble ang pagtaas sa mga inmates kung ikumpara sa wala pa ang Duterte administration ug ang giyera kontra droga.
Kung kaniadto matud pa adunay average nga 600 lang ka mga inmates karon nisaka na kini sa halos 1,100 kapin ka inmates.
Gidugang pa ni Balaba nga tungod sa mao nga ihap, congested na ang PDRC, dili lang matud pa kini problema sa Bukidnon kon dili apil na ang ubang dapit sa nasud nga nahimong problema ang congestion.
Unsay inyong ikasulti niini?
