Naglab-ot sa 600 ka mga pamilya sa Brgy. Poblacion, Tantangan, South Cotabato ang apektado sang pagbaha sang Dominggo sang gab-i tungod sa pag-overflow sang tubig sa NIA canal epekto sang pagbubo sang ulan.
Ini ang base sa resulta sang ila nga pagvalidate suno kay MDRRMO Action Officer Darwin Dar.
Suno kay Dar may ginpabakwit sila nga 30 ka mga residente apang gilayon man ang mga ini nga nagbalik sa ila tagsa ka mga puluy-an tungod madasig man nga nagsubside ang tubig baha.
Ginkumpirmar man sini nga ginsuspindir man ang klase sa apat ka mga eskwelahan sa Brgy. Poblacion sa nasambit nga banwa sang Lunes nga adlaw tungod sa pagbaha.
Gin-ako man ni Dar nga isa sa nakacontribute sa pagbaha ang wala nabuksan nga irrigation dam sa lugar.
Facebook Comments
