Laumang makadawat ang sobra sa 8,000 ka mga mag-uuma sa humay sa probinsya sa Bukidnon ug ayuda gikan sa Department of Agriculture Region 10.
Sa interview sa RMN Malaybalay ngadto kang DA-10 Regional Executive Director Carlene Collado, gibutyag niini nga adunay silay rice farmers financial assistance nga mukabat sa 5 mil pesos.
Matud ni Director Collado nga niadtong Disyembre 2019 pa sa wala pa ang COVID-19 ang ilang pag-identify kon pagsuta sa mga mamahimong makabenepisyo niini nga gipailawom pa sa proseso sama sa validation.
Sigun sa sumbanan sa DA, ang mga mamahimong makapahimulos sa mao nga programa mao kadtong adunay luna nga tungag ektarya hangtod sa duha ka ektaryang basakan ug kadtong mga mag-uuma nga apektado sa rice ratification law ug kinahanglan nga rehistrado ilawom sa updated Registry System for Basic Sectors in Agriculture (RSBSA).
Gidugang sa regional director nga kini nga programa alang pa kini sa mga rice farmers ug wala pa sa ubang mag-uuma.
Sa Bukidnon, adunay natala ang DA nga 8,000 kapin ka mga rice farmers kung asa 6,500 kapin kon kulang niini ang nakadawat na sa tabang pinansiyal niaging semana.
Sa karon nangayo una ug despensa ang DA sa ubang mga mag-uuma tungod kay na-una ang ayuda para sa mga rice farmers.
