600,000 nga kantidad sa droga nakumpiska, 102 wanted person dakpan sa usa ka adlaw nga law enforcement operation sa rehiyon

Mokabat sa P601,200.00 nga kantidad sa illegal drugs, 102 ka mga wanted person ang naaresto, tulo ka drug suspects ang patay samtang aduna usay nagkadaiyang matang sa armas ug eksplosibo ang nakumpiska atol sa gipahigayong Simultaneous Anti-Criminality Campaign SOCCSKSARGEN Region.

Nasayran nga unang nagpahigayon ug hiniusang pwersa sa PRO 12 Police Force, National Support Units; Regional Mobile Force Battalion -12 uban ang mga city ug provincial police force sa pakig-alayon sa PDEA 12 ang nagsilbi ug search warrants, warrants of arrest, ug nagpahigayon ug buy-bust operations isip kabahin sa kampanya sa tanang matang sa klase sa illegal activities ug kriminalidad sa mga nagkalain-laing lugar sa rehiyon.

Gawas sa simultaneous operations, 124 ka sachets sa suspected shabu nga may gibug-aton nga 88.411 grams nga gibana-banaang moabot sa P596, 200.00 ang nakumpiska lakip na ang 19 ka sachets sa marijuana nga nagkantidad sa P5,000.00.


Laing 102 ka mga indibidwal usab ang naaresto kung asa 43 sa mga nahisgutan ang naaresto pinaagi sa warrant of arrest; 32 sa illegal gambling ug 27 sa illegal drugs.

Samtang tulo usab ka mga drug personalities ang patay human nga nisukol sa mga operatiba sa kapulisan.

Nakumpiska usab sa operasyon ang 25 ka assorted firearms, 82 ka assorted ammunition apil na ang 15 ka eksplosibo ug ang P 7,594.00 nga kantidad sa kwarta.

Kalabutan niini, gidayeg ni Police Brigadier General MICHAEL JOHN DUBRIA ang tanan nga personnel ug units nga lakip sa maong operasyon.

Facebook Comments