Target sa Provincial Agriculture Office ning lalawigan sa Bukidnon ang mga mag-uuma nga nagbaton ug 1 ka ektarya paubos nga luna ang makadawat sa libreng binhi ug abono nga iapod-apod sa panggagamhang probinsyal sa Bukidnon.
Sa interview sa RMN Malaybalaynagdto kang Hansel Echavez ang administrative office sa Public Affairs and Information Assistance gibutyag niini nga ang PaGro ang maoy nanguna sa mao nga seeds and fertilizer distribution.
Matud ni Echavez nga mokabat ngadto sa 73,272 ka mga mag-uuma sa Bukidnon nga makadawat sa 113,188 ka mga sako sa binhi ug 225,636 ka mga sako sa fertilizer.
Sa kinatibuk-an, anaa sa 608 milyon pesos ang gigahin sa PGB alang sa mao nga programa.
Tumong matud pa niini nga matabangan ang mga gagmay’ng mag-uuma sa ilang panginabuhian ug malingkawas sa ilang kakabos.
Nasayran nga tinguha ni Governor Zubiri nga ma-institutionalize ang mao nga programa aron kada tuig na kini ipahigayon.
Nasayran nga karong tuiga mao ang ika-4 na ka hugna nga nag-apod-apod ang PGB sa mga libreng binhi sa mais ug abono sa mga corn farmers.
