Sa impormasyong gipadala nganhi sa DXDC RMN Davao gikan sa Civil Military Operations, gibutyag ni 1st Lt. Joyce Quijano nga gipailawom sa paraffin test ang sakop nila nga gitudlong suspect sa pagpamusil nga si Sergeant Christopher Saranillo ingon man ang mga kauban niini kung aduna bay agi sa bala sa armas, apan nag negatibo ang resulta.
Kahinumduman nga kabsan sa kinabuhi ang usa ka Diether Superable ug angol ang laing duha pa human matud pa gipamusil sa maong sundalo.
Sa interview sab sa DXDC RMN Davao kang Police Major Joel Cabe, hepe sa Kapalong Municipal Police Station, si Saranillo dili pa makonsiderang suspect ug person of interest pa lang samtang nagpadayon ang imbestigasyon.
Hinuon, gipanigurado sa 60th IB nga kung mapamatud-an mang sad-an ang ilang tropa, dili nila kini i-tolerate ug andam silang itugyan kini sa kapulisan aron mahatagan og hustisya ang mga biktima.
RadyoMan Ivy Parido
