ILOILO City – Naglambot sa 61 ka kandidato ang nagfile sang certificate of candidacy sa syudad sang Iloilo.
Ginabug-usan ini sang apat ka kandidato sa pagkakongresista, pito sa pagka alkalde, apat sa pagkabise alkalde kag 46 sa pagka sangguniang bayan member.
Ang magapadalagan sa pagkakongresista amo sanday anay councilors Jamjam Baronda kag Perla Zulueta, Councilor Joshua Alim kag Lucio Encio.
Magapadalagn si Baronda sa idalum sang NUP, Zulueta sa NP kag Encio sa Pederalismo Dugong Dakilang Samahan ukon PDDS.
Sa pagka-alkalde, nagfile sang COC sanday incumbent Mayor Jose “Joe” Espinosa III (NP); Congressman Jerry P. Treñas (NUP); Dr. Pacita Gonzalez (Lakas-CMD); Jalandoni Estate, La Puz barangay captain Efren Gimeo (Partido Federal ng Pilipinas); Rudy Bantolo (independent); Carmelo “Mel” D. Carreon (independent); kag Esteban A. Abitang (Pederalismo ng Dugong Dakilang Samahan).
Ang magapadalagan sa pagkabise alkalde amo si vice mayor Jeffrey Ganzon (Timawa Party) , incumbent city councilors R Leone Gerochi (NP) Lucio Encio sang PPDS, Plaridel Nava (PMP) kag Constancio Caro Jr sang PDDS.
May anom ka kandidato sa pagkakonsehal ang grupo ni Espinosa, pulo kay Trenas, kumpleto ang 12 sang PDDS kag walo sa Al-GO-NA samtang ang iban ang independent.
Photo from web
