Guipos, Zamboanga del Sur – Human ang pagtago-tago sulod sa usa ka bulan, hingpit nga nahulog sa mga kamot sa otoridad ang 62 anyos nga mag-uuma nga nag-atubang sa kasong pagpanglugos.
Alas 7:20 kaganihang buntag, gilusad sa PNP Guipos sa pagpanguna ni PSI Jaycell Cabarrubias ang man hunt operation didto sa Purok 2, Brgy. Katipunan, Guipos, Zamboanga del Sur.
Ang operasyon miresulta sa pagkasikop target nga nailhang si Feliciano Patires alias ” Siano” lumulupyo sa nahisgutan nga lugar.
Wala na makalugnot ang suspek dihang gisita sa kapulisan dungan ang pagbasa sa mandamiento de arresto sa kasong pagpanglugos nga gipagawas ni Analyn Ramas- Costanilla sa Regional Trial Court, Branch 23, Pagadian City.
Ang dinakpan kasamtangan nga gipaslak sa Guipos Municipal Police Station lock-up cell.
