62 anyos patay sa pagpamusil, suspek namusil og way labot

37

Patay ang 62 anyos nga lalaki samtang samaron ang laing usa human mahitabo ang pagpamusil sa wala mailhing suspek sa may Sitio Tuguis, Purok Bagong Lipunan, Barangay Tambilil, Kiamba probinsya sa Sarangani niaging gabie.

Giila sa Kiamba Municipal Police Station ang mga biktima na silang Susimo Peregrino, 62 anyos, minyo ug Rolly Rebundas, hamtong ang edad, minyo kansang parehong mananagat nga nagpuyo sa Barangay Tabilil, Kiamba.


Sa gipagawas nga impormasyon gikan sa Kiamba Municipal Police Station, nasayran nga nakapanawag og tabang si Mayor Danny Martinez ngadto sa presinto sa Kiamba PNP tungod sa panghitabong pagpamusil sa maong lugar.

Nasayran sa kapolisan nga nagsundo ang biktimang si Pelegrino sa iyahang apo dihang usa ka wala mailhing tawo gikan sa ngitngit ang kalit nga niabot og way daghang istorya gipusil ang biktima og diha dayong namatay.

Samtang, nakamatikod ang suspek nga may mga tawo nga anaa sa baybay og gipangpusil nga miresulta sa pagkasamdan sa ikaduhang biktimang si Rebundas.

Gipangdala ang biktima ngadto sa Dr. Cornelio Martinez Memorial Hospital human mirescue ang sakop sa MDRRMO Kiamba aron matambalan ang mga samaron apan gideklarang dead on arrival ang tigulang na biktima.




Samtang sa crime scene narekober sa kapolisan ang lima ka cartridges sa .45 caliber ug usa ka bullet slug sa .45 pistol.

Gisuta pa karon sa kapolisan sa Kiamba ang ugat hinungdan sa pagpamusil sa wala mahilhing suspek nga misibat gilayon human sa paghimo sa krimen.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 59dbf7fd6d80adac108b50e7.jpg]

Facebook Comments