Balo sikop sa kasong lugos

33

Naghimas rehas gihapon karon sulod sa selda sa Alabel Municipal Police Station luyo sa katigulaong sa 63 anyos nga lolo tungod sa giatubang niining kasong rape human gisikop sa kapolisan didto sa may Barangay Poblacion, Alabel, Sarangani Province niaging adlaw.

Giila sa Alabel PNP ang suspek sa pangalang Rogelio Antipolo, usa ka balo og residente sa Pacman Village, Barangay Poblacion sa maong munisipyo.


Gi-serve pinaagi sa hiniusang element sa Malungon og Alabel PNP Tracker Team ang arrest warrant sa kasong rape sa suspek nga balo human gipirmahan ni Judge Jose Jerry Fulgar sa RTC Branch 47, Alabel, Sarangani Province niadtong bulan sa Hulyo ning tuiga lamang.

Samtang walay pyansa nga girekomenda ang korte sa kaso sa tigulang na balo.

Gitugyan gilayon ang suspek ngadto sa Malungon PNP human didto nanukad ang iyahang kaso na rape.

For more info’s and updates, like and share our official facebook account: www.facebook.com/ifm91.9Gensanofficial/




#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: jail-hands-myb-1.jpg]

Facebook Comments