Mukabat ngadto sa 62 ka parisan ang nasikop sa General Santos City Police Office human nga misupak sa protocol nga social distancing nga gipakanaug sa National IATF.
Sumala pa ni police Major Rexor Canoy, tigpamaba sa GSCPO nga gi-emplementar lang nila ang gipakanaug nga kamanduan ni DILG Secretary Eduardo Año nga bawal ang back ride sa motorsiklo nga dili mag –tiayon o couple hilabina ang parehas nga lalaki aron masunod ang social distancing.
Gipaklaro man usab ni Canoy nga katong puro lalaki lang ang ilahang gidakop kagahapong adlawa, lakang usab matud pa kini aron nga mapakgang ang mga motorcycle riding criminal sa syudad.
Samtang pipila usab sa 62 kaparisan ang nag bayad sa ilahang multa ngadto sa City Treasurer’s Office samtang ang kadaghanan ang gipailalum sa community service.(CDS)
