Mokabat sa 63 ka mga militia ng bayan ug supporter sa New Peoples Army ang misurender sa mga otoridad sa probinsya sa Sultan Kudarat.
Sumala ni Western Mindanao Commander Lt. Gen. Corleto Vinluan, Jr., nga sa maong ihap, mokabat sa 30 ka mga nagsurender ang miyembro sa Underground Mass Organization (UGMO) sa Communist Party of the Philippines-New People’s Army (CPP-NPA).
Samtang 12 ang miyembro sa Pambansang Katipunan ng Magbubukid (PKM), 11 ang miyembro sa Malayang Kilusan ng Bagong Kababaihan (MAKIBAKA), ug 10 ka miyembro sa Kabataang Makabayan (KM) nga susamang gikan sa Barangay Midtungok, Senator Ninoy Aquino, Sultan Kudarat.
Bitbit sa 63 ka mga surrenderees ang managlahing matang sa kalibre sa armas ug mga buhing bala.
Gikumpirma usab ni JTF Central Commander Maj. Gen. Juvymax Uy nga ang 63 ang i-enrol sa Enhanced Comprehensive Local Integration Progam (E-CLIP) kung asa sila makadawat ug Reintegration Assistance nga nagkantidad ug P21,000.00 matag usa kanila; Firearms Remuneration ug Immediate Assistance nga nagkantidad ug P15,000.00. Dugang pa ni Major Gen. Uy nga tabangan usab sila sa mga managlahing ahensya sa gobyerno sa pagsugod sa bag-ong kabuhi.
credit:Westmincom
