Patay ang isa ka tigulang matapos malumos samtang nagapaligo sa San Roque beach sa Barangay San Juan, Barotac Viejo, Iloilo kahapon nga adlaw angut sa pagsaulog sang Easter Sunday.
Ginkilala ang biktima nga si Antonio Antin, 65 anyos kag pumuluyo sang barangay San Lucas, Barotac Viejo.
Natabu ang insidente alas 12:15 kahapon sang udto kon sa diin hinali lamang nga nalumos ang biktima samtang nagapaligo sa dagat kag dali-dali nga gindala sa ospital apang gindeklarar nga dead on arrival.
Samtang nakaluwas naman kag yara na sa estable nga kondisyon ang lima ka tuig nga bata nga nalumos samtang nagapaligo kahapon sang aga sa Danny’s beach resort sa distrito sang Arevalo matapos may nakakita sa pagsarorot sini kag gilayon nga narescue.
Magluwas diri, may nalumos man kag narescue sa baybayon sang Calumpang, ,olo kag subong man sa Naluoyan beach sa Dumangas, Iloilo.
nahibaluan nga linibo ang nagapaligo sa mga baybayon tagsa ka Easter Sunday bilang pagsaulog sang pagkabanhaw ni Ginoong Hesus.
