General Santos City–Mukabat ngadto sa 65 ka sakong smuggled nga sigarilyo nga adunay brand nga Gudang Baru kansa prudokto gikan sa nasud Indonesia ang nakumpiska sa mga personahi sa Maasim Police Station niadtong nakalabayng adlaw.
Ang maong mga sigarilyo gibana-banaang mukabat sa kantidad P 1,950,000.000.00.
Nasayran nga bandang alas 4:00 sa hapon una nang nakadawat impormasyon si Police Chief Inspector Marcelo Mendoza labaw sa maong buhatan nga dunay mga sinakong kontrabando sa may barangay Kanalo sa maong munisipyo.
Gilayong miresponde ang kapolisan sa lugar apan layo palang ang Awtoridad, nag-iyahay na ang mga suspek sa pagdagan ug gibilin lang ang mga kontrabando sa lugar.
Sa kaorn nagpadayon ang gihimong imbistigasyon sa kapulisan kalabutan sa inisdenti ug ginasuta pa kung si kinsa ang responsabli sa pagpalusot niini. (Ray Sabillo)
