General Santos City- Patay ang usa 69 anyos nga apuhan human nga kini wala makagawas sa nasunog nga panimalay.
Naila ang biktima nga usa ka Tito Diomedes Guipo, nga taga Villareal St. Barangay Lagao ning syudad sa Gensan, alas 3 sa kaadlawon kaganina.
Sumala pa sa inisyal nga imbestigasyon sa Bureau of Fire Protection- Gensan nga posibleng nagsugod ang sunog sa mismong kwarto sa nasampit nga biktima tungod batasan matud pa niini nga mosindi og kandila kada kaadlawon dungan sa iyahang pag-ampo.
Sa pamahayag ni SFO1 Arturo Peligo, ang arson investigator sa BFP-GENSAN nga tungod maglisod og lakaw ang nasampit nga biktima wala gilayon kini nakagawas sa iyahang kwarto samtang gilamoy na ang tibook kwarto niini.
Dugang pa niini, nga ulahe na nga nakapangayo og tabang ang nahisgutang biktima ngadto sa iyahang mga kaubanan og dako ang kalayo.
Samtang giangkon usab sa asawa sa biktima nga si Merlita Guipo, nga batasan na gyud ni tatay Tito nga mosindi og kandili samtang mag-ampo sulod sa kwarto.
Sa karon, padayong ang BFP-GENSAN sa ilahang imbestigasyon kung pila ba gyud ang kinatibuk-ang damyos sa maong sunog.
