Davao City – Aduna nay 69 ka mga indibidwal ang nadakpan sa Davao City Police Office (DCPO) Traffic Group sa nagpadayong pagpatuman sa Anti-Drunk and Drugged Driving Act of 2013.
Sumala ni DCPO spokesperson Pol. Captain Ma. Teresita Gaspan, ang maong ihap gikan pa sa bulan sa Pebrero nga mao usab ang paglusad sa kampanya batok unsafe driving gani gipasakahan na og kaso ang maong mga dinakpan.
Dugang ni Gaspan, adunay 10,089 ka mga tawo ang nadakpan gumikan sa kalapasan sa balaud trapiko kun R.A. 4136 ug 3,578 ka mga nagsakay sa motorsiklo ang wala nagsuot og helmet.
Ilawom sa RA 10586, adunay bayad sa P20,000 hangtod P80,000 ug pagkakulong sa dili mubaba sa tulo ka bulan samtang kung adunay mamatay sa maong aksidente anaa sa P300,000 hangtod P500,000 ang bayad ug mamahimong makulong sa 20 ka tuig.
RadyoMaN Jason Amisola
