Nagalab-ot sa 69 ka mga kabataan edad 12 tubtob 17-anyos nga may commobidity ang tigayon nga nabakunahan sa pag-arangkada sang vaccination rollout sa Pediatric A3 sa South Cotabato sang Biyernes nga adlaw. Suno kay Provincial Health Education and Promotion Officer Hannah Ebeo halin sa Koronadal City ang madamo nga nagpabakuna nga mga kabataan batok COVID-19 tungod naglab-ot sa 51. Ginkumpirmar man ni Ebeo nga sa 69 ka mga kabataan nga nabakunahan, isa lamang ang nakabatyag sang adverse effect nga amo ang pagtaas sang blood pressure sang bata tungod may-yara ini sang asthma kag obese. Samtang magapadayon ang vaccination sa mga kabataan edad 12-17 anyos sa probinsya sa Nobyembre 3 sa bahin sang Outpatient Department sang South Cotabato Provincial Hospital.
