Davao City – Opisyal na nga giablihan kagahapong adlawa, Setyembre 13, 2021 ang School Year 2021-2022 sa tanang mga pampublikong eskwelahan.
Gipahigayon sa Department of Education Region (DepEd) XI ang kick-off ceremony ug Regional virtual flag raising sa Sto. Tomas Central Elementary School SpEd Center sa Davao del Norte sa pagpanguna ni Regional Director Allan G. Farnazo.
Gibutyag ni DepEd XI spokesperson Jenielito Atillo sa interbyu sa RMN Davao, sobra sa 6,000 ka mga tulunghaan sa Davao Region ang nagsugod na ang klase ilawom sa distance o blended learning set-up.
Segun ni Atillo, hugot nga gipatuman sa DepEd ang work arrangement sa tanang mga magtutudlo sa rehiyon aron sa pagtuman sa Minimum Public Health Standard kontra COVID-19, adunay 3 days nga work on site o sa eskwelahan ug 2 days nga Work From Home.
Sa datos, 1,176,606 na ang total enrolled students sa pampubliko ug pribadong mga eskwelahan sa Davao Region.
RadyoMaN Aimee Guinita
