General Santos City— Wala nay pagahimuon nga ceremonial send-off ang militar alang sa pagahimuong plebesito sa Bangsamoro Organic Law kon BOL sa North Cotabato karong umaabot nga Pebrero 6.
Sumala ang Major General Cirilito Sobejana, Commanding Officer sa 6th Infantry Division nga ang send-off ceremony nga gihimo uban ang mga tag-as nga opisyal sa gobyerno milabay’ng bulannsa Enero mao na ang ceremonal send-off hangtud nga matapos ang plebesito sa probinsya sa North Cotabato.
Saysay niya nga ang tropa nga anaa na-assign 602nd brigade ug 603rd brigade ingon man ang 19th IB sa 4th Infantry Division maoy natahasang magbantay sa siguridad sa probinsya sa North Cotabato.
Dugang pamahayag ni MGen. Sobejana nga samang stratehiya sa pagbantay sa siguridad ang ipatuman sa militar sa North Cotabato. Gani nagpahigayon matud pa sila ug after activity review human ang plebesito sa Cotabato City ug aduna silay mga nakit-ang mga butang nga angayang pun-an ug mas i-improve.
Sa karon matud pa mas pakusgan nila ang ginahimong close coordination sa COMELEC, DEPED ug kapulisan.
Pagpaklaro ni MGen. Sobejana nga ilahang gina-paningkamutan nga mamahimong hapsay ug malinawon ang maong plebesito sa Pebrero 6.
Paniguro niini nga ilahang himuon ang tanan aron nga mahatagan ug proteksyon ang a magsilbing bei, ang mga polling precint. Dili matud pa nila gusto nga adunay mahitabong failure of election ug sila nanghinaut nga magmalampson ang maong plebesito.
