General Santos City–Aduna matud pay posibilidad nga musolod ang grupong Abu Sayyaf sa Central Mindanao aron nga maghimo ug mga kagubot, mao kini ang nahimong pamahayag ni Major General Cirilito Sobejana ang Division Commander sa 6th Infantry Division.
Kini matud pa ang hinungdan nganong gilayon niyang gimanduan ang iyang mga sakop nga doblehon ang monitoring ug pagpatuman sa seguridad ilawom sa ilang area of responsibility.
Daghan matud pa ug pwede lutsan ang mga terorista nga gikan sa ubang lugar padulong sa Central Mindanao aron makig-alyansa sa ubang terorista nga nag lihokan sa Central Mindano.
Apan masaligon man usab si Major General Sobejana nga makaya ra sa paggukod sa mga otoridad sa solo ang mga nabilin nga Abu Sayyaf nga nagahimo ug kagubot sa maong lugar.
Sa karon ginatutukan lang matud pa sa 6th ID mao ang grupo sa BIFF nga naga buhat ug kagubot sa ilang area ug gipaningkamotan nila nga mapakgang na ang mga nasangpit. (Dave Silagan)
