7.5 out of 10 ang grado nga gihatag ni Congressman Rufus Rodriguez ngadto kang Presidente Rodrigo Duterte atol sa SONA niini gahapon sa Batasan Complex.
Kini tungod sa tulo ka negatibong aspeto nga na-obserbahan sa kongresista.
Unang naobserbahan niini mao ang wala pagmention sa presidente sa federal system imbis nga mao kini ang iyang legasiya aron nga ang 70% sa mga buhis nga makolekta magpabilin sa dakbayan ug 30% lang ang ipadala sa kauluhan.
Ikaduha mao ang hinay nga pag-depensa sa West Philippine Sea ug paghatag panugot nga mangisda ang mga Chinese fishermen.
Ikatulo mao ang pagdugang og departamento nga mao ang Department of overseas Filipinos alang sa mga OFW bisan naa nay OWWA, department of Disaster bisan naa nay National Defense ug Department of Water resources.
Tungod niini, dili perfect score ang gihatag sa kongresista ngadto kang Presidente Duterte.
