GENERAL SANTOS CITY – Niabot na og 7,996 ka mga violators sa national laws og municipal government enacted laws o mga ordinansa ang nadakpan sulod sa 21 ka adlaw sa Soccsksargen region.
Sa maong ihap 3,509 ang nadakpan og gibuhian dala ang citation tickets sa pagsupak sa RA 4136 o ang Land Transportations and Traffic Code.
Samtang 1,844 ka mga sakyanan ang na-impound diin 1,337 mga motorsiklo, 25 ang four-wheeled Vehicles, 216 ang dunay side car ug 266 ang open pipe na motorsiklo.
Matod kay Police Chief Superintendent Marcelo Morales regional director sa PRO12 nga padayon ang pag-intensify sa implementasyon sa Oplan Mapayapa region-wide nga miani sad og suporta gikan sa komunidad.
Facebook Comments
