General Santos City—Nagpabiling trauma ang 7 anyos nga batang babaye human kining gilugos sa duha matud pa ka mga lalaki sa bagnutan nga bahin sa may Purok Balunto, Barangay Labangal Gensan.
Subay sa pahayag sa apuhan sa 7 anyos nga itago lang sa pangalang alias Angel nga si Qualing nga taga Barangay Labangal nga gisugo sa ilang silingan ang iyang apo nga mamaligya ug saging.
Nakaabot matud ang iyang apo sa may eskwelahan nga bahin sa Purok Balunto, dunay mipalit kaniya nga duha ka mga batan-on ug human kaon sa saging ilang gihagad matud pa ang bata sa ilang balay aron tua kuhaon ang bayad apan pag-abot sa hilit nga lugar didto na nila gihimo ang pagpanglugos sa biktima.
Human ug lugos ila lang gibyaan ang bata sa lugar. Tungod sa tumang kaahadlok sa bata niuli kini sa ilang panimalay ug nagsumbong sa iyang apohan kansa mao usay nagreport sa kapulisan.
Duda si Police Sr. Inspector Robert Fores Deputy CHief Of Police sa Police Station 2 nga mga miyembro sa Batang Sukarap ang milugos sa 7 anyos nga biktima. Sa karon padayon ang gihimong imbistigasyon sa kapulisan kalabutan sa insidenti. Samtang ginahuwat nalang sa awtoridad ang resulta sa medico legal sa biktima aron sayron kung positibong nahilabtan ang nasangpit.
