7 años bata, muerto na accidente vehicular

Zamboanga City- Dolorido ahora el familia del un siete aƱos de edad bata quien ya muri despues que man bangga con este un jeep de pasajero que ta viaja na Arena Blanco pasao alas ocho anoche.

Con el victima ya identifica como si Josel Mendoza, residente del mencionao baranggay. Asegun con el familia del victima que caminando el victima pabolbida na diila residencia cuando ya occuri el accidente.

Mismo el chufer del Puj el ya assisti para lleva con el bata victima na Zamboanga City Medical Center (ZCMC) para el curada medical, pero nohay suerte cae ya despidi lang siempre el victima alas dies del noche por causa con el grabe golpe que ya sustene este durante el incidente.


Facebook Comments