7 COVID-19 Omicron cases natala sa Mati City

Davao City – Gikumpirma sa Department of Health (DOH-XI) nga adunay natalang pito (7) ka kaso sa Coronavirus Disease 2019 (COVID-19) Omicron variant sa Mati City, Davao Oriental, base sa resulta gikan sa swab samples nga gipasa sa Mati City ngadto sa DOH-XI niadtong Enero 2022. Hinuon, nakarekober na ang pito ka mga pasyente.

Sa datus, unom sa pito ka kumpirmadong kaso sa Omicron gikan sa usa ka pamilyang adunay bisita gikan sa Manila ug Cebu niadtong Disyembre, diin ang 12 ka close contact sa nahisgutan nagpositibo usab sa COVID-19.

Samtang ang ikapitong kaso gikan sa usa ka returning Overseas Filipino Worker (OFW) nga miabot sa Davao International Airport niadtong Disyembre 24, 2021 apan wala kini close contact tungod kay gi-quarantine kini pag-abot sa Davao City.

Kagahapong adlawa (Pebrero 2, 2022), nagpagawas ang Local Government Unit (LGU-Mati) og Executive Order (EO) No.18 series of 2022 aron pag-activate sa Public Health Emergency Response Code Red Alert sa syudad isip kabahin sa surge capacity management, paghatag og solusyon sa kakulangon sa personahe alang sa COVID-related response activities.

RadyoMaN Kirby Manzon

Facebook Comments