Kapin 200 relief aid sa RMN Oplan Tabang giturn-over sa Surigao City LGU

37
Davao City – Nagmalampuson ang turn over sa mga relief aid ilawom sa Joint Oplan Tabang sa RMN Foundation, RMN Davao, RMN Surigao ug Jesser Marketing.

Adlaw’ng Miyerkules (Pebrero 2, 2022), pormal nga giturn-over sa DXDC 621 RMN Davao ug RMN Surigao ang mga donasyon gikan sa mga partners, local donors ngadto sa Local Disaster Risk Reduction Management Office (LDRRMO) sa Surigao City Hall.

Kapin 200 ka mga food packs, bottled water, sanitized used-clothing ang gitakdang itunol sa mga apektadong pamilya sa Surigao partikular na ang mga anaa sa island barangays nga wala pa nahatagan sa mga assistance.

Samtang, nanghinaot si DXDC 621 RMN Davao Station Manager Pastor Leobardo Daugdaug nga makabarog og balik ang Surigao kinsa labing naapektuhan sa Bagyong Odette. Dako usab ang pasalamat niini sa mga suking tigpaminaw ug donors sa kinasing-kasing nga pag-extend sa ilang mga tabang ngadto sa mga biktima sa kalamidad.

Gibutyag usab ni DXRS RMN Surigao Station Manager Gay Tiu, tutukan usab nila ang pormal nga paghatod sa mga relief aid gikan sa Davao ngadto sa mga recipients nga anaa sa mga far flung areas sa Surigao.

Nagpasalamat ang Surigao City LGU sa gitunol nga relief aid ilawom sa OPLAN TABANG sa RMN Foundation.



RadyoMaN Aimee Guinita

Facebook Comments