General Santos City–Anaa sa walo ang covid 19 patient sa Dr. Jorge P Royeca Hospital apan ang pito niini ang gikatakda ng mugawas human mag-negatibo sa repeat swab.
Sumala kang Dr. Ryan Aplicador, Hopistal Chief sa Dr. George Royeca Hospital nga sa karon usa nalang ang aktibong kaso sa covid sa maong pasilidad, ug kini mao ang 61 anyos nga sekyu nga naunang nagpositibo sa covid.
Apan giklaro niini nga aduna pay 30 ka mga kaso sa covid ang anaa sa syudad, uban ang anaa sa buayan facility nga kasagaran mga asymptomatic, samtang adunay 12 ang ginahulat nalang ang result sa repeat swab ug higayon nga mag-negatibo, mamahimo na silang papaulion para sa laing 14 kadlaw nga quarantine.
Dugang pamahayag ni Dr. Aplicador nga higayon nga mudaghan ang pasyente sa Royeca Hospital, adunay napulo nga regular bed, duha ka ICU beds ug adunay 25 beds para sa mild cases.
Samtang adunay lima ka beds para sa mga pasyenteng negatibo sa covid nga nakasinati ug simtomas, tumong niini aron dili masagol sa mga nagpositibo.
Sa karon, ang lima gikan sa pito ang mamahimo ng makapauli sa ilahang balay human masayran nga suitable ang ilahang balay para sa home quarantine samtang ang duha ang napangitaan na ug pamaagi gumikan dili pwedeng i-home quarantine tungod sa sitwasyon sa ilahang balay.(LVR)
