7 ka mga pinangita sa balaod ang nasikop sa gihimong managlahing operasyon sa mga pulis dinhi sa probinsya sa Zamboanga del norte.
Didto sa Brgy. Linabo Polanco, giaresto si Albert Montefalcon sa mga pulis kinsa adunay kasong may kalabutan sa pagpangabuso nga nakalatid sa Sec. 10(a) sa R.A 7610.
Lain pang duha ka indibidwal nga tag brgy. Linabo lang gihapon ang giaresto nga sila si Diony Orong ug Ailyn Orong nga may kaso tungod sa pagpameke sa dokumento.
Sa Lungsod sa Roxas wala usab ka lingkawas sa mga otoridad human gisilbihan ug warrant si Joseph Vallecer, taga brgy. Piñamar nga may kasong grave coercion.
Samtang sa lungsod sa Sirawai, sikop usab sila Albi Sahi, Darussalam Sahi ug BAsri Sahi, pulos taga Brgy. Bitugan, Sirawai.
Mismo ang hepe nga si PCapt. Dominador Dalion ang nangunay ug dakop sa nahisgutan nga indibidwal nga may kasong Grave Coercion.
Mahimo kining dako nga kalampusan sa mga pulis sa Zamboanga del norte tungod sa kadaghan nga ilang nadakpan nga mga malapason sa balaod.
