General Santos City–Posible karong adlawa ipasang-at na sa kapulisan ang kasong pagsupak sa RA-7586 batok sa pito ka mga dinakpang sila Federico Latimbon,70 anyos, taga, Tupi, South Cotabato; Rex Abellanosa, 28 anyos, nga taga Barangay Magsaysay, Polomolok; Insan Ugal, 29, residenti sa brgy. Lambangan T’Boli, Ludi Magallon, 60 anyos, taga Barangay Poblacion, Polomolok; Enting Dazon, 45 anyos, taga sitio kumang Barangay Palkan , Polomolok; Aljun Dela Cruz , 25 anyos , taga Purok Malinawon, Barangay Magsaysay , Polomolok ug Wawe Flores, 19 anyos, nga taga Purok Manatad, Polomolok kansa nasikop sa otoridad sa ilang ilegal nga gimbuhaton.
Kahibaloan nga alas 11:00 sa buntag niadtong adlawng Sabado una ng nakadawat og impormasyon ang Polomolok Muncipal Police Station gikan sa personahe sa MENRO-Polomolok nga dunay mga tawo nga nagakalot sa usa ka lugar sa Mt. matutum protected landscape sa Sitio Kumang Brgy.Palkan sa maong lungsod.
Gilayong gerespondihan ang lugar sa hiniusang pwersa kapulisan; DENR 12; MENRO-Polomolok; mahintana foundation og Brgy. Palkan officials, malamposong nasikop ang mga nasampit human naaktuhan nga nagpahigayon og treasure hunting sa protected area sa Mt. Matutum.
Nakumpiska gikan sa posisyon sa mga dinakpan ang mga butang nga ilang gigamit sa pagkalot sa naasoy nga protected area.
Sa kasamtangan nagtingkagol sa lock up cell sa Polomolok Muncipal Police Station ang mga dinakpan.(Reynald Timario )
