TACLOBAN CITY – Durot han pagbaha ngan landslide, 7 an patay ha bug-os nga Sinirangan Bisayas ha pagbuhos han makusog nga uran han nakalabay nga upat ka adlaw, ini in sumala han Office of the Civil Defence o kun OCD.
Sumala kan OCD Regional Director Edgar Posadas, 4 dinhi in tikang ha Tacloban City kun diin nag-collapse an pader durot han landslide dida han sabado han gab-i ha Quarry District.
Natapos an retrieval operation lunes han kulop
Ha Mondragon, Northern Samar, usa nga lalaki an nagmamaneho han iya motorsiklo han magkamayada mudslide dida han sabado han kulop, nalubong an bikitma, patay. Ha bungto naman han Catarman Northern Samar, nakuryente an usa nga lalaki, tumarap han tubig-baha nga may electric wire, patay.
Ha Jaro, Leyte, nalunod an usa nga lalaki dida han dominggo tungod han makusog nga current han tubig-baha, patay.
Sumala kan Posadas, waray magkulang an concerned national government agencies han mga pahimatngon pero mayada pipira nga mga tawo nga ginbali-waray la ini.
Pahimatngon ni Posadas ha publiko nga maging mabinantayon diri la ha bagyo kundi pati na ha Low Pressure Area ngan ha mga maglain nga panahon.
