General Santos City— Pito ang patay samtang lima ang dakpan sa gihimong sunod-sunod nga operasyon sa kapulisan dinhi sa Gensan, kagahapong adlawa.
Sa maong operasyon, 3 ka mga suspek ang napatay sa AOR sa Police Station 6; 2 sa Police Station 4; 1 sa Police Station 2 ug 1 sa Police Station 7.
Mga namatay giilang silang si Mark Bon Dasal, 36-anyos, nga taga Zone- 7, Block 0 Barangay Fatima; Rommel Hanio alyas Omik; Andrew Ignacio alyas Faisal, taga Purok Shariff Mocsin, Barangay Baluan; Fernil Licao alyas Don-don, taga Purok Botanic Barangay City Heights; Evance Estacio alyas Apiok, taga Barangay Fatima, Arman Mato, 38-anyos, taga Purok 5, New Society, Barangay Apopong ug si Joel Espiga kansa namatay sa gihimong follow-up operation sa Barangay Buayan.
Mga nadakpan nailang silang si Rommel Pallado, 47-anyos, residente sa Purok Lanton, Barangay Apopong; Jasper Padilla alyas Toto, 35-anyos, negosyante., John Mark Cutamora, 33-anyos, taga Cahilsot Village, Barangay Calumpang; Marvin Adiam alyas Bayoy, 39-anyos, sikad drayber nga taga Ardonia Street, Barangay Lagao ug Herman Gabotero, 29-anyos, nga taga Barangay Buayan.
Ubay-ubayng mga pakete sa iligal nga droga ang nakumpiska sa kapulisan. Samtang nakarekober usab sila ug mga armas gikan sa mga suspek nga namatay sa operasyon.
