70 airline passengers gikasohan sa peke nga RT-PCR

27

Davao City- Gikasohan na ang tanang mga nadakpang nameke og RT-PCR test result sa Davao International Airport.

Gibutyag ni Davao City Tourism Operations Office head Generose Tecson, mokabat sa 70 ka mga airline passengers ang nadakpang peke o tampered ang gipresentang RT-PCR test result.


“Kada adlaw naa tay madakpang nagapameke og RT-PCR test result,” sumala niini.

Gitataw ni Tecson, mas gi-estriktohan pa sa Davao City ang pagpatuman sa COVID-19 measures sama nalang sa test before flying ilabina anaa ang hulga sa COVID-19 variant, Aron mahimong patas usab sa ubang mga pasahero sa eroplano nga aduna nay negative COVID-19 result. Kinahanglang motuman gayod ang tanan sa rekesitos sa Davao LGU kontra COVID-19, segun ni Tecson.

Sumala sa City Government of Davao, anaa sa P46,500 ang magasto sa mga mopresenta’g peke nga RT-PCR test result. Pekeng RT-PCR Test mokabat sa P1000 – P2000 ug kung madakpan, kinahanglang mopailawom ang pasahero sa RT-PCR Test sa Davao Internation Airport (DIA) kantidad P4,500, samtang ang Inquest bail anaa sa P6,000 hangtod P40,000 depende sa piskalya.

RadyoMaN Aimee Guinita



Facebook Comments