General Santos City– Wala na gayud masalbar sa mga paryente ug mga mirespondeng bombero ang usa ka 70 anyos nga amahan ug kanhing OFW nga si Pipito Pacito Sr. nga nanimuyo sa Prk. Hechanova, Barangay Poblacion, Polomolok South Cotabato human nga gisunog niini iyahang kaugalingong payag-payag alas 6:30 ang takna sa gabie.
Sumala sa Bureau of Fire Protection Polomolok nga nakadawat sila ug tawag gikan sa mga kabanay sa biktima alas 6:45 ang takna sa gabie bahin sa natigayong sunog.
Paspas matud pa nga gilamoy sa kalayo ang panimalay sa biktima tungod kay gama lang kini sa light materials.
Migua sa ilahang imbistigasyon nga gituyo gayud sa biktima nga dili muhawa sa nasunog niining balay aron nga ma-apil kini ug kasunog.
Gani mibahad pa kini sa mga mutabang unta kaniya nga dili moduol kay iyahang dunggabon, samtang basi matud pa sa impormasyon sa otoridad nga mao na kini ang ikaduhang higayon nga gisuwayan sa nahisgutang biktima nga sunogon ang iyahang panimalay.
Gikumperma usab ni Sally ang kinamanghurang anak sa biktima nga makaduha na gayud ka higayon nga gihimo sa iyang amahan ang pagsuway ug sunog sa iyahang panimalay.
Unang higayon nahitabo niadtong tuig 2016 apan may nakamatikod sa plano niini hinungdan nga gilayong natabangan ug napugngan.
Sumala pa sa nahisgutan nga alas 6:00 ang takna sa gabie nag esturya pa sila sa iyahang amahan ayha mi-uli sa ilahang panimalay nga haduol lang usab sa maong lugar , apan human sa pipila ka minutos, nanawag na ang silingan sa iyahang amahan gumikan nasunog na matud pa ang gipuy-an niini.
Pag-abot niini sa lugar nagsilaob na ang balay sa iyang amahan apan dili na sila kaduol tungod sa tumang kainit sa kalayo, gani buhi pa ug nagatindog ang nahisgutang biktima gani nangayo pa kini ug pasaylo sa iyahang mga anak sa iyahang kasaypanan nga nabuhat.
Gikumpoerma usab sa nahisutan nga nagdumili na nga mag patabang ang iyahang amahan ngadto kanila ug mikanayon pa kini nga magpalayo kay basig mubuto ang tangke sa LPG.
Gibutyag usab ni Sally nga wala nay kauban ang iyahang amahan nga nagapuyo sa iyahang payag-payag sa maong lugar tungod kay anaa matud pa sa ubang lugar ang ilahang tinuod nga pinuy-anan.
Posible man usab nga na-depress ang nahisutang biktima sa iyaha ng kinabuhi tungod kay daghan matud pa kining ginahambin nga sakit sa iyahang kalawasan ug maglisud matud pa kini ug katulog matag gabie kay naanad ang lawas niini sa oras sa Saudi kung asa dugay kining nagtrabaho.(Dave Silagan)
