Davao City – Midangop sa Tugbok PNP ang personahe sa Philippine Coconut Authority human kini nakakita og usa ka luna nga giputolan og mga punuan sa lubi.
Ang complainant mao si Melisa Ceno Estoya, 29 anyos nga taga Purok 9 Kinatubong Alamada North Cotobato.
Sumala pa ni Estoya, atol sa gihimo niini nga inspeksyon sa Purok Maladaya Barangay Tagakpan Tugbok District ning syudad nasayran nga adunay 70 ka mga punoan sa lubi ang gipangputol ni Mr. Adelmo Adas kauban si Engr. Roger Abadiez ug ang nahisgutang luna gipanag iyahan ni Khristopher Penon.
Gidugang sa inspector sa PCA nga wala nagpakita og permit ngadto ang mga respondent gikan sa ilang buhatan nga magtugot kanila nga magputol sa maong mga punoan.
Gihimo ang maong pagpatala aron sa mga mosunod nga reperesya sa maong kaso.
RadyoMaN Paul Canono
