Sa gipahigayon nga ceremony, gitambongan kini sa mga chief of police sa PRO XI uban ang 70 ka mga personahe gikan sa nagkalain-laing estasyon sa kapulisan ilawom sa Regional Security Office.
Atol sa iyang pamahayag, giingon ni Silo nga ang papel sa maong PSP mao ang paghatag og proteksiyon ug seguridad sa mga kandidato atol sa eleksyon hilabi na sa mga lugar nga adunay intense political rivalry sama na lamang sa Davao del Sur ug Davao Oriental, para siguradong mas hapsay ug layo sa kagubot ang maong lugar sanglit adunay nakitang kainit sa kampanya.
Dugang usab sa Regional Director sa PRO XI, gimugna ang maong Protective Security para malikayan ang mga kandidato nga mokuha og mga unlicensed security personnel ug mga retired military o pulis nga aduna pay mga pusil nga pwedeng mamahimong rason nga maka mugna og kagubot hilabi na og wa tuyuang magka-tagbo ang isig ka partido nga adunay init nga laban sa politika.
Nag pasidaan si Silo sa mga PSP nga dili manghilabot ug mokampanya’g apil sa politikong ilang gi-protekhan ug dili tugutan nga mangampanya sulod sa ilang kampo.
Sa katapusang parte sa seremonya gisiguro ni Silo na andam na ang kapulisan sa PRO XI aron masiguro ang siguridad sa mga kandidato ug mamahimong hapsay ug malinawon ang umaabot na eleksyon.
via Ailene Buntilao ug Maeshaella Apal Dumanat, DNSC BAComm Interns
