Davao City – Nagtoo ang Barangay Tamugan Council nga 70% sa Panigan-Tamugan River ang giingong gisuyop ang tubig sa Apo Agua, rason nga giingong nahubas ang sapa ning ulahing mga adlaw.
Gibutyag ni Barangay Tamugan Kagawad Juanito Ayog, daw nabaliktad ang kadtong nasabotan tali sa Barangay ug Apo Agua nga 30% lang sa tubig sa sapa ang ilang kuhaon ug ang 70% sa volume magpabili sa sapa butang nga wala mahitabo.
Sumala ni Kagawad Ayog, kaniadto bastante pa ang tubig sa Tamugan River daghan ang maligo, apan karon aduna nay pagkahubas niini.
Giingon ni Ayog, dili na sila magpaabot nga duna pa’y magreklamo sa Barangay ug ila nang pasumonan ang Apo Agua, aron istoryahon sa unsay angay buhaton sa maong kompanya aron mabalik ang ka-abundansiya sa tubig sa sapa sa Tamugan.
RadyoMaN Joel Viray
Facebook Comments
