Liloy, ZDN-Igo nalang sa pagpatulo sa ilang mga luha ang mga kaliwat sa biktima human kini napalgan nga wala na’y kinabuhi.
Nakit-an kini sa usa ka residente sa brgy. Kayok, lungsod sa Liloy ang patayng lawas ni Adelaida Pabuaya, 71 anyos, nga nag lutaw-lutaw sa dagat.
Dali kining girespondehan sa mga pulis, apan wala na kini kinabuhi human, gituohan nga nalumos niadtong higayona.
Sa kasamtangan gipahiluna na ang patayng lawas niini sa iyang mga kabanay didto sa ilang pinuy-anan.
Samtang priso karon sa Liloy locked-up cell ang usa ka drayber human nasikop sa gihimong pagsilbi sa warrant sa kapulisan sa mao nga lungsod.
Ang dinakpan mao si Tabar Sappal, 36 anyos, residente sa Brgy. Sta Cruz, Liloy, kinsa adunay kasong Robbery.
Mo abot sa 40mil ang pyansa nga gipangayo sa korte bugti sa iyang temporaryong kagawasan.
